fbpx
បាល់ទាត់អឺរ៉ុបពត៌មានដោះដូរកីឡាករអេស្ប៉ាញ

ក្លឹបមួយត្រូវដកខ្លួនចេញវិញជាបន្ទាន់ ដោយសារតែលក្ខខណ្ឌប្រាក់ឈ្នួលរបស់ Bale មានចំនួនច្រើនពេក

ក្លឹបនៅក្របខ័ណ្ឌ MLS ត្រូវបានគេរាយការណ៍ថាបានបដិសេធសំណើផ្លាស់ប្តូរ សម្រាប់កីឡាករ Gareth Bale ដោយសារតែកីឡាកររូបនេះ បានទាមទារថ្លៃឈ្នួលខ្ពស់ពេក ចំពេលដែលអនាគតនៅក្នុងក្រុម Real Madrid កំពុងមានភាពសង្ស័យខ្លាំងឡើងៗ ។

Gareth Bale 

គួរបញ្ជាក់ផងដែរថាកីឡាករសញ្ជាតិវែលរូបនេះ ត្រូវគេឲ្យដឹងថា មិនបានស្ថិតនៅក្នុងគម្រោងរបស់គ្រូបង្វឹកលោក Zinedine Zidane នោះទេ ខណ:គ្រូបង្វឹករូបនេះ ក៏ចង់កម្ចាត់ Bale ចេញពីក្រុមរបស់គាត់ ឲ្យកាន់តែឆាប់តាមដែលអាចធ្វើបាន ដោយសារតែថ្លៃឈ្នួលដ៏ច្រើន ៦៥០,០០០ ផោនក្នុងមួយសប្តាហ៍របស់គេ ។

Gareth Bale

ហើយបើយោងតាមយ៉ាងតាមរបាយការណ៍ពី Athletic បានឲ្យដឹងថា Bale មានការផ្តល់ជូនមួយ ដើម្បីទៅលេងនៅក្នុងក្របខណ្ឌ MLS ពីសំណាក់ក្លឹប Inter Miami របស់លោក David Beckham នៅរដូវក្តៅក្រោយ ប៉ុន្តែដោយសារតែលក្ខខណ្ឌប្រាក់ឈ្នួលរបស់ខ្សែប្រយុទ្ធ មានចំនួនច្រើនលើសលុបពេក ធ្វើឲ្យការចរចាមួយនេះ ត្រូវបានបញ្ចប់ទៅវិញ ។

មិនតែប៉ុណ្ណោះខ្សែប្រយុទ្ធវ័យ រូបនេះក៏ធ្លាប់ខិតជិតនៅក្នុងការចាកចេញពីទីក្រុងម៉ាឌ្រីដផងដែរ កាលពីរដូវក្តៅមុន ជាមួយនឹងការផ្លាស់ប្តូរ ដែលអាចទទួលបានប្រាក់ឈ្នួល ១ លានផោនក្នុងមួយសប្តាហ៍ ទៅកាន់ប្រទេសចិនជាមួយក្លឹប Jiangsu Suning ប៉ុន្តែវាក៏ត្រូវបានបរាជ័យទៅវិញផងដែរ នៅក្នុងនាទីចុងក្រោយ ៕

Gareth Bale

ប្រភព: Daily Mail 

អានអត្ថបទបន្ទាប់៖ គ្រាន់តែលឺ Barca ចង់សារ៉េចេញដើម្បីនាំយក Martinez មកវិញ ខណ: Vidal ចេញមុខនិយាយប៉ុន្មានម៉ាត់យ៉ាងខ្លីថា……….

Arturo Vidal បានបញ្ជាក់យ៉ាងច្បាស់ថារូបគេគ្មានចេតនាចាកចេញពីក្លឹបអ្នកមានបុណ្យ Barcelona ដើម្បីស្វែងរកទ្រនំលេងថ្មីនោះទេ ខណ:រូបគេបានបញ្ជាក់ថាកំពុងសប្បាយចិត្តនៅឯទឹកដី Camp Nou បើទោះពេលនេះមិនសូវទទួលបានឱកាសលេងច្រើនក៏ដោយ ។

ជាក់ស្តែងក្នុងថ្ងៃកំណើតគម្រប់ ៣៣ ឆ្នាំ Vidal បានប្រាប់អ្នកកាសែត Mario Velasco ថា ៖ “ ខ្ញុំពិតជារីករាយ និងមានភាពសុខស្រួលនៅក្នុងទីក្រុងបាសេឡូណា ហើយជាការពិតខ្ញុំចង់ស្នាក់នៅទីនេះ ។ ខ្ញុំក៏មានអារម្មណ៍ល្អជាងមុនផងដែរ ។ ទីនេះជាក្រុមដ៏ល្អបំផុត ហើយខ្ញុំមានមិត្តល្អនៅក្នុងក្រុមផងដែរ ” ។

Arturo Vidal

ប៉ុន្តែទោះជាយ៉ាងណាក៏ដោយផែនការរបស់ក្រុម Barcelona នៅរដូវក្តៅខាងមុខនេះ គឺមានបំណងចង់ដាក់បញ្ចូល Vidal និង Ivan Rakitic ដើម្បីទទួលបានកិច្ចព្រមព្រៀងមួយ សម្រាប់ខ្សែប្រយុទ្ធអាហ្សង់ទីន Lautaro Martinez វិញ ។

Lautaro Martinez

ដោយឡែកខ្សែប្រយុទ្ធសញ្ជាតិឈីលីរូបនេះ ហាក់មិនបានចេតនាណាមួយ ដែលធ្វើឲ្យរូបគេចង់ចាកចេញពីក្លឹប Barca នោះទេ ដោយរូបគេបានទទូចថា ៖ ” ខ្ញុំបានត្រៀមខ្លួនរួចជាស្រេចសម្រាប់អ្វីដែលនឹងកើតឡើង ទាំងក្នុងក្របខ័ណ្ឌ Champions League និងនៅ La Liga ។ យើងស្ថិតនៅកំពូលតារាង ហើយយើងមានឱកាសដ៏អស្ចារ្យក្នុងការឈានទៅរកការប្រកួតក្នុងក្របខ័ណ្ឌ Champions League កាន់តែល្អប្រសើបន្ថែមទៀត ” ៕

ប្រភព: Daily Mail 

 

Tags
Close

Adblock Detected

Please consider supporting us by disabling your ad blocker