fbpx
ពត៌មានដោះដូរកីឡាករអេស្ប៉ាញ

គ្រាន់តែលឺ Barca ចង់សារ៉េចេញដើម្បីនាំយក Martinez មកវិញ ខណ: Vidal ចេញមុខនិយាយប៉ុន្មានម៉ាត់យ៉ាងខ្លីថា……….

Arturo Vidal បានបញ្ជាក់យ៉ាងច្បាស់ថារូបគេគ្មានចេតនាចាកចេញពីក្លឹបអ្នកមានបុណ្យ Barcelona ដើម្បីស្វែងរកទ្រនំលេងថ្មីនោះទេ ខណ:រូបគេបានបញ្ជាក់ថាកំពុងសប្បាយចិត្តនៅឯទឹកដី Camp Nou បើទោះពេលនេះមិនសូវទទួលបានឱកាសលេងច្រើនក៏ដោយ ។

ជាក់ស្តែងក្នុងថ្ងៃកំណើតគម្រប់ ៣៣ ឆ្នាំ Vidal បានប្រាប់អ្នកកាសែត Mario Velasco ថា ៖ “ ខ្ញុំពិតជារីករាយ និងមានភាពសុខស្រួលនៅក្នុងទីក្រុងបាសេឡូណា ហើយជាការពិតខ្ញុំចង់ស្នាក់នៅទីនេះ ។ ខ្ញុំក៏មានអារម្មណ៍ល្អជាងមុនផងដែរ ។ ទីនេះជាក្រុមដ៏ល្អបំផុត ហើយខ្ញុំមានមិត្តល្អនៅក្នុងក្រុមផងដែរ ” ។

Arturo Vidal

ប៉ុន្តែទោះជាយ៉ាងណាក៏ដោយផែនការរបស់ក្រុម Barcelona នៅរដូវក្តៅខាងមុខនេះ គឺមានបំណងចង់ដាក់បញ្ចូល Vidal និង Ivan Rakitic ដើម្បីទទួលបានកិច្ចព្រមព្រៀងមួយ សម្រាប់ខ្សែប្រយុទ្ធអាហ្សង់ទីន Lautaro Martinez វិញ ។

Lautaro Martinez

ដោយឡែកខ្សែប្រយុទ្ធសញ្ជាតិឈីលីរូបនេះ ហាក់មិនបានចេតនាណាមួយ ដែលធ្វើឲ្យរូបគេចង់ចាកចេញពីក្លឹប Barca នោះទេ ដោយរូបគេបានទទូចថា ៖ ” ខ្ញុំបានត្រៀមខ្លួនរួចជាស្រេចសម្រាប់អ្វីដែលនឹងកើតឡើង ទាំងក្នុងក្របខ័ណ្ឌ Champions League និងនៅ La Liga ។ យើងស្ថិតនៅកំពូលតារាង ហើយយើងមានឱកាសដ៏អស្ចារ្យក្នុងការឈានទៅរកការប្រកួតក្នុងក្របខ័ណ្ឌ Champions League កាន់តែល្អប្រសើបន្ថែមទៀត ” ៕

ប្រភព: Daily Mail 

អានអត្ថបទបន្ទាប់៖ Setien សារភាពថា Barca នៅតែចង់បាន Martinez ប៉ុន្តែក្នុងចិត្តលោក ចង់ធ្វើជាគ្រូបង្វឹករបស់តារាឆ្នើមរូបនេះជាង

ក្រុមអ្នកមានបុណ្យ Barcelona នៅតែត្រូវបានគេរាយការណ៍ថាកំពុងព្យាយាមតាមចុះហត្ថលេខាលើខ្សែប្រយុទ្ធឆ្នើមកីឡាករ Lautaro Martinez មកកាន់ក្លឹបឱ្យបាននៅរដូវកាលក្រោយនេះ ខណ:គ្រូបង្វឹកលោក Quique Setien ក៏នឹងធ្វើការសាទរចំពោះការមកដល់របស់តារាឆ្នើមក្រុម Inter Milan រូបនេះផងដែរ ដោយគាត់ជឿជាក់ថារូបគេ នឹងអាចលេងបានល្អនៅក្នុងក្រុម Barca របស់គាត់ ។

Lautaro Martinez 

ប៉ុន្តែទោះជាយ៉ាងណា Neymar ក៏នៅតែបន្តបង្កើនការរំពឹងទុកកាន់តែខ្លាំងឡើង ចំពោះលទ្ធភាពនៅក្នុងការវិលត្រលប់កាន់ទឹកដី Camp Nou ពីក្រុម PSG វិញផងដែរ ចំពេលដែលលោក Setien បានសារភាពថាគាត់នឹងរីករាយខ្លាំង បើបានដឹកនាំខ្សែប្រយុទ្ធឆ្នើមរបស់ប្រេសុីលរូបនេះ ។

Neymar

រំលឹកផងដែរថា Neymar បានចាកចេញពីក្រុម Barcelona ទៅក្លឹប Paris-Saint Germain ក្នុងកិច្ចព្រមព្រៀងមួយ ដែលមានតម្លៃខ្លួនបំបែកកំណត់ត្រា ២០០ លានផោន កាលពី ៣ ឆ្នាំមុន ប៉ុន្តែទោះជាយ៉ាងវានៅតែមានការលើកឡើងជាប្រចាំ ដែលថាកីឡាកររូបនេះ នឹងអាចវិលត្រឡប់មកកាន់ទឹកដី Catalonia វិញ ។

Neymar

គួរបញ្ជាក់ផងដែរថាគ្រូបង្វឹកសញ្ជាតិអេស្បាញរូបនេះ ធ្លាប់បាននិយាយរួចហើយថាលោកពិតជាមានកិត្តិយសខ្លាំងណាស់ នៅក្នុងការបង្វឹកកីឡាករឆ្នើមៗ ដូចជា Lionel Messi ខណ:ដែលលោកក៏នឹងស្វាគមន៍ចំពោះឱកាសនេះដូចគ្នា បើបានដឹកនាំ Neymar ម្នាក់ទៀតនោះ ៕

 ប្រភព: Mirror 

អានអត្ថបទបន្ទាប់៖ ធ្លាប់ចាយពេលនៅ Man Utd ២៤ ឆ្នាំ Giggs ថាមានតែម្នាក់នេះមួយគត់ ដែលជាកីឡាករពិបាកទប់ទល់បំផុត

Ryan Giggs ធ្លាប់បានចំណាយពេលលេងជាមួយកីឡាករដ៏៏អស្ចារ្យមិនគួរឱ្យជឿមួយចំនួន ក្នុងអំឡុងពេលវេលារបស់គាត់នៅឯក្រុមបិសាចក្រហម Manchester United ប៉ុន្តែទោះជាយ៉ាងណាគាត់បានបញ្ជាក់ថាមានតែ ២ រូបនេះប៉ុណ្ណោះ ដែលជាកីឡាករល្អបំផុត ។

Ryan Giggs

ជាក់ស្តែង Giggs ដែលធ្លាប់ឆ្លងកាត់ថ្នាលយុវជនរបស់ក្រុមបិសាចក្រហម រហូតទទួលបានឱកាសឡើងមកលេងនៅឈុតធំរូបនេះ បានឈ្នះរាល់រង្វាន់ធំៗ ជាច្រើននៅក្នុងបាល់ទាត់អង់គ្លេស និងទ្វីបអឺរ៉ុប ក្នុងអំឡុងពេលអាជីពដ៏ជោគជ័យរបស់គាត់ សម្រាប់រយៈពេលជាង ២០ ឆ្នាំ ។

ប៉ុន្តែទោះជាយ៉ាងណានៅពេលត្រូវបានគេសួរថា តើកីឡាករ Man Utd រូបណាខ្លះ ដែលគាត់គិតថាល្អបំផុត អំឡុងពេលចំណាពេលលេងជាមួយគ្នា ? ខណ:លោក Giggs បានប្រាប់បណ្តាញទំនាក់ទំនងសង្គមរបស់ក្រុម Manchester United វិញថា “ កីឡាករល្អបំផុត ដែលខ្ញុំធ្លាប់លេងជាមួយគឺ Cristiano Ronaldo” ។ ច្បាស់ណាស់ថាគាត់នៅទីនោះតែមួយរយៈខ្លីប៉ុណ្ណោះ ប៉ុន្តែគាត់ពិតជាអស្ចារ្យណាស់ណាស់សម្រាប់ក្រុម United ហើយយើងមិនបាច់ឆ្ងល់ទេ ព្រោះថាគាត់អាចល្អនៅគ្រប់ទីកន្លែង មិនថាតែនៅ Man Utd នោះទេ ” ។

Cristiano Ronaldo

លោកបន្តទៀតថា ៖ “Paul Scholes ក៏ជាកីឡាករល្អបំផុតដែលខ្ញុំធ្លាប់បានលេងជាមួយនៅ United ផងដែរ ។ អ្នកបានឃើញហើយនៅពេលហ្វឹកហាត់ម្តងៗ ព្រោះអ្នក​នឹងមិនអាចចូលទៅជិតគាត់បាននោះទេ ” ៕

Paul Scholes

ប្រភព: Mirror 

 

Tags
Close

Adblock Detected

Please consider supporting us by disabling your ad blocker