fbpx
អង់គ្លេស

ទោះបីត្រូវគ្រូបង្វឹក ធ្វើបាបចិត្ត ប៉ុន្ដែ កីឡាករ Tottenham មួយរូប មិនដែលមានបំណងចេញពីក្លឹបឡើយ

Moussa Sissoko បាននិយាយថា​ រូបគេមិនដែលគិតចង់ចែកផ្លូវគ្នាជាមួយនឹងក្លឹប Tottenham នោះទេ បើទោះបីជា មានអារម្មណ៍ឈឺចាប់នៅពេលដែល មិនត្រូវបានលោក Mauricio Pochettino ជ្រើសរើស អោយចូលរួមប្រកួតនៅពេលចាប់ផ្ដើមអាជីពរបស់ខ្លួនសំរាប់ក្លឹបមាន់ខ្នាយមាស។

កីឡាករវ័យ៣០ឆ្នាំរូបនេះ បានវិវត្តខ្លួន ក្លាយជាកីឡាករសំខាន់ក្រោមការដឹកនាំរបស់លោក Pochettino ដោយអវត្តមានតែ៤ប្រកួតប៉ុណ្ណោះ កាលពីរដូវកាល ២០១៨/១៩។

ប៉ុន្ដែអ្វីដែលបានកើតឡើងចំពោះអតីតខ្សែបម្រើក្រុម Newcastle រូបនេះ ហាក់មានភាពផ្ទុយស្រលះពីបច្ចុប្បន្ន ក្រោយផ្ទេរមកកាន់ក្លឹបមាន់ខ្នាយមាស ក្នុងតំលៃខ្លួន ៣០លានផោន។

Sissoko បាននិយាយថា៖ “ខ្ញុំដឹងថាខ្ញុំមានរដូវកាលដ៏លំបាកជាមួយនឹងក្លឹប Tottenham។ ការជ្រើសរើសរបស់គ្រូបង្វឹកបានធ្វើអោយខ្ញុំឈឺចាប់ ប៉ុន្ដែនេះគឺជាក្រិត្យក្រមនៃបាល់ទាត់។ រឿងតែមួយគត់ដែលអាចធ្វើបាននោះគឺ ការប្រឹងប្រែងអោយខ្លាំងជាងមុន។

“ខ្ញុំមិនចង់បន្ដស្នាក់នៅជាមួយនឹង ភាពបរាជ័យនោះទេ។ ហើយខ្ញុំមិនដែលគិតដល់ពីការចាកចេញពី Tottenham នោះដែរ វាបានផ្ដល់អោយខ្ញុំនូវ ការប្រឹងប្រែងធ្វើអោយបានល្អជាងមុន។”

ប្រភព៖ talkSPORT

Tags
Close

Adblock Detected

Please consider supporting us by disabling your ad blocker