fbpx
បាល់ទាត់អឺរ៉ុបអង់គ្លេស

បើត្រូវដាក់ឲ្យនៅដោយឡែកពីគេ Fernandes ថាមានតែកីឡាករ United ម្នាក់នេះគត់ ដែលគេចង់យកមកនៅជាមួយ

Bruno Fernandes បាននិយាយថាប្រសិនបើរូបគេត្រូវបង្ខំដាក់ឲ្យនៅដាច់ដោយឡែក ជាមួយមិត្តរួមក្រុមបិសាចក្រហមណាម្នាក់ នោះរូបគេនឹងជ្រើសរើសយក Juan Mata ព្រោះខ្សែបម្រើសញ្ជាតិអេស្ប៉ាញរូបនេះ តែងតែច្រៀងលេងជាមួយគាត់ ។

Bruno Fernandes 

គួរបញ្ជាក់ផងដែរថាការមកដល់របស់ខ្សែបម្រើសញ្ជាតិព័រទុយហ្គាល់រូបនេះ បានធ្វើឲ្យក្រុម Man Utd មានការផ្លាស់ប្តូរយ៉ាងខ្លាំង ដោយនៅមិនទាន់ស្គាល់ចាញ់ការប្រកួតណាមួយនៅឡើយទេ ចាប់តាំងពី Fernandes ចុះហត្ថលេខាមកទឹកដី​ Old Trafford ពីក្រុម Sporting Lisbon កាលពីខែមករា ។

Juan Mata

មិនតែប៉ុណ្ណោះ Fernandes បានសារភាពថារូបគេតែងចំណាយពេលច្រើន ជាមួយមិត្តរួមក្រុមកីឡាករ Diogo Dalot ស្របពេលដែលគេក៏នៅជិតស្និទជាមួយអ្នកចាំទី David de Gea ផងដែរ ។ ប៉ុន្តែក្នុងចំណោមមិត្តរួមក្រុមថ្មីទាំងអស់ គឺមានតែ Mata ម្នាក់ប៉ុណ្ណោះ ដែលបានធ្វើឱ្យមានការអារម្មណ៍ខ្លាំងបំផុត សម្រាប់ Fernandes ដោយសារតែទេពកោសល្យខាងតន្ត្រីរបស់ខ្សែបម្រើរូបនេះ ។

Juan Mata

ហើយយ៉ាងណាមិញនៅពេលត្រូវបានគេសួរថា តើកីឡាករ United រូបណា ដែលលោកនឹងជ្រើសរើសយកមកនៅជាមួយ ប្រសិនបើត្រូវគេដាក់នៅដោយឡែកពីគេតែ ២នាក់ ? ខណ: Fernandes បានប្រាប់គេហទំព័រផ្លូវការរបស់ Manchester United វិញថា ៖ “ ខ្ញុំនឹងជ្រើសរើសយក Juan ពីព្រោះប្រសិនបើខ្ញុំនៅដាច់ដោយឡែកជាមួយ Juan ខ្ញុំអាចស្តាប់បទចម្រៀងរបស់ខ្ញុំរាល់ថ្ងៃរាល់ថ្ងៃ! គាត់តែងតែច្រៀងឱ្យខ្ញុំស្តាប់! ” ៕

ប្រភព: Mirror 

អានអត្ថបទបន្ទាប់៖ តារាកំពូល Juve ២ រូប បដិសេធមិនព្រមផ្លាស់ទៅក្រុម Man Utd ដើម្បីធ្វើស្ពានចម្លង Pogba មក Serie A វិញនោះទេ

ឱកាសរបស់ Paul Pogba ក្នុងការវិលត្រលប់ទៅកាន់ក្រុម Juventus វិញ ហាក់ត្រូវធ្លាក់ចុះ បន្ទាប់ពីកីឡាករ Paulo Dybala និង Miralem Pjanic បានបដិសេធ មិនព្រមធ្វើជាថ្នូរ ដើម្បីផ្លាស់ទៅកាន់ទឹកដី Old Trafford នៅរដូវក្តៅខាងមុខនេះនោះទេ ។

Paulo Dybala និង Miralem Pjanic 

គួរបញ្ជាក់ផងដែរថា Pogba បានផ្លាស់ប្តូរមកកាន់ក្លឹប Man Utd វិញ ជាមួយតម្លៃបំបែកកំណត់ត្រា ៨៩ លានផោន ឆ្នាំ ២០១៦ ពោលគឺមានរយៈពេល ៤ ឆ្នាំហើយ បន្ទាប់ពីចាកចេញពីក្រុម Juve ។ ប៉ុន្តែបើយោងតាមរបាយការណ៍នៅអ៊ីតាលមួយ បានបញ្ជាក់ថាខ្សែបម្រើសញ្ជាតិបារាំងរូបនេះ កំពុងភ្ចាប់ទំនាក់ទំនងយ៉ាងខ្លាំង នៅក្នុងការវិលទៅលេងនៅក្របខ័ណ្ឌ Serie A វិញ ខណ:កិច្ចសន្យាបច្ចុប្បន្នរបស់គេនៅឯទឹកដី Old Trafford នឹងត្រូវផុតកំណត់រដូវកាលក្រោយ ។

Paul Pogba ​

មិនតែប៉ុណ្ណោះបើយោងតាម Rai Sport បានបញ្ជាក់ថាក្លឹប Juventus ចង់ដាក់បញ្ចូល  Dybala និង Pjanic សម្រាប់កិច្ចព្រមព្រៀងមួយ ដើម្បីដោះដូរ Pogba ជាមួយក្រុម Man Utd ប៉ុន្តែទោះជាយ៉ាងណាតារាឆ្នើមទាំង ២ រូបនេះ បានចេញមុខបដិសេធ នឹងមិនមានចេតនាចាកចេញពីទឹកដី Serie A នោះទេ ។

Paul Pogba

ជាក់ស្តែង Dybala កំពុងបង្ហាញទម្រង់លេងយ៉ាងល្អមួយសម្រាប់ក្រុមសេះបង្កង់ ដោយរូបគេអាចបំប៉ោងសំណាញ់ទីបាន ៦៤ គ្រាប់មកហើយ ក្នុងការបង្ហាញខ្លួនទាំង ១៥២ ប្រកួតរហូតមកដល់ពេលននេះ ខណ:ខ្សែប្រយុទ្ធរូបនេះ ក៏អាចសហការគ្នាបានយ៉ាងល្អជាមួយ តារាឆ្នើម Cristiano Ronaldo ផងដែរ ។ ចំណែកឯ Pjanic វិញ ក៏បង្ហាញទម្រង់លេងមិនងាយធ្លាក់ចុះផងដែរ ចាប់តាំងពីបានមកជំនួសតំណែងរបស់ Pogba នៅក្នុងឆ្នាំ ២០១៦ មក ៕​

Miralem Pjanic

ប្រភព: Daily Mail 

 

Tags
Close

Adblock Detected

Please consider supporting us by disabling your ad blocker