fbpx
បាល់ទាត់អឺរ៉ុបអ៊ីតាលី

បើ​ចង់​ប្រើ​សិទ្ធ​ដក Conte ចេញ​ឆៅៗ ក្លឹប Inter Milan ត្រូវ​ចំណាយ​លុយ​ធំ​ប៉ុណ្ណេះ

ស្រប​ពេល​ដែល​ទម្រង់​លេង​របស់ Inter Milan នា​រយៈ​ពេល​ចុង​ក្រោយ ហាក់​មាន​ការ​ធ្លាក់​ចុះ​ក៏​រុញ​ឲ្យ​មាន​ចចាមអារ៉ាម​ជុំវិញ​ការ​ប្រឈម​បាត់បង់​កៅអី​របស់​អ្នកចាត់ការ​លោក Antonio Conte។

Antonio Conte

ពីរ​ប្រកួត​កន្លង​ទៅ Inter បាន​ត្រឹម​ស្មើ​ជាមួយ Verona និង​ចាញ់ Bologna ២-១ ​នាំ​ឲ្យ​លំដាប់​ពិន្ទុ​នៅ​តារាង Serie A ក្រុម​របស់​ពួក​គេ​ត្រូវ​ឈរ​លេខ ៤។

ត្បិត​បើ​កៅអី UCL អាច​ថា​ធានា​បាន​មែន ប៉ុន្តែ​បញ្ហា​ចម្បង​គឺ​លទ្ធផល​ល្អ​ជាង​នេះ​ដែល​ក្លឹប​ចង់​ទទួល​បាន និង​មួយ​ផ្សេង​ទៀត​គឺ​កត្តា​ចំណាយ ដែល​ប្រាក់​ពលកម្ម​របស់​លោក Conte គឺ​ខ្ពស់​ជាង​គ្រូ​បង្វឹក​រូប​ណា​ទាំង​អស់​នៅ​ក្របខ័ណ្ឌ​អ៊ីតាលី។

Inter Milan
Antonio Conte

មួយ​ឆ្នាំ Conte ស៊ី​ថ្លៃ ១២ លាន​អឺរ៉ូ និង​ជាប់​កុងត្រា​ដល់​ឆ្នាំ ២០២២ ហើយ​ប្រសិន​ណា Inter Milan ចង់​បណ្ដេញ​អ្នកចាត់ការ​ខាង​លើ​ចេញ​នៅ​ពេល​នេះ គឺ​ក្លឹប​ត្រូវ​ចំណាយ​ដល់​ទៅ ១៥០ លាន​អឺរ៉ូ ជា​ថ្លៃ​កាត់កង​លើ​កុងត្រា​និង​លក្ខខណ្ឌ​សេសសល់។ រឿង​តែ​មួយ​គត់​ដែល​អាច​ឲ្យ Conte ចាកចេញ ហើយ​ក្លឹប​មិន​ចំណាយ នោះ​គឺ​ការ​សុំ​លា​ឈប់​ដោយ​ឯកឯង ព្រោះ​កន្លង​មក​ក៏​ល្ហៀងៗ​ថា​ទំនាក់ទំនង​រវាង​គ្រូ​សិស្ស​នៅ Inter រាង​ប្រេះស្រាំ​ជា​បណ្តើរៗ​ដែរ៕

ប្រភព៖ AF

អានអត្ថបទបន្ទាប់៖ ចាំ​បាច់ Chelsea ត្រូវ​ធ្វើ​រឿង​មួយ​នេះ​ឲ្យ​បាន​សិន ​ទើប Kai Havertz ព្រម​ផ្ទេរ​ចូល​មក

រឿងរ៉ាវ​ចាក់ស្រេះ​ជុំវិញ​ការ​ចាកចេញ​របស់ Kai Havertz មក​ចូលរួម​នៅ​ក្លឹប​តោ​ខៀវ Chelsea ហាក់​កាន់​តែ​បន្ត​ក្តៅ​គគុក​ឡើង ស្រប​ពេល​ដែល​ទីផ្សារ​ដោះដូរ​កីឡាករ​ក៏​កំពុង​បើក​ដំណើរការ។

Chelsea
Kai Havertz

តាម​របាយការណ៍​ចុងក្រោយ​ពី SportBild បាន​ចុះ​ផ្សាយ យុវជន​វ័យ ២១ ឆ្នាំ​នឹង​សម្រេច​ចិត្ត​ដើរ​ចូល​ទឹកដី Stamford Bridge ប៉ុន្តែ​ទាមទារ​លក្ខខណ្ឌ​ពិសេស​មួយ នោះ​គឺ​ការ​ធានា​បាន​នៅ​កៅអី Champions League រដូវ​កាល​ក្រោយ។

ប្រភព​បាន​សង្កត់​ធ្ងន់ Havertz ចង់​ចាកចេញ​ពី Leverkusen ក៏​ដោយសារ​មើល​ឃើញ​ពី​ការ​បាត់បង់​ឱកាស​លេង​ UCL នេះ​ដែរ អ៊ីចឹង​ក្លឹប​បន្ទាប់​របស់​ខ្លួន​ចាំបាច់​ត្រូវ​តែ​លេង​ UCL បាន។

Kai Havertz

ក្រឡេក​ទៅ​មើល​តារាង Premier League ​បច្ចុប្បន្ន Chelsea កំពុង​ប្រទង់ប្រទាញ​គ្នា​ឥត​ឈប់​ជាមួយ Leicester City និង Man Utdក៏​ដូច​ជា Wolves បែប​នេះ​ភាគរយ​ខ្ទាត​ចេញ​ពី Top 4 នៅ​តែ​បន្ត​មាន​ដរាប​ណា​ការ​ប្រកួត​បិទ​រដូវ​កាល​មិន​ទាន់​បញ្ចប់។ ប៉ុន្តែ​មាន​លក្ខខណ្ឌ​ពិសេស​មួយ គឺ​ប្រសិន​ណា Man City បរាជ័យ​ក្នុង​ការ​តវ៉ា​ក្តី នៃ​ការ​ចូលរួម​លេង UCL រដូវ​កាល​ក្រោយ​មែន នោះ Chelsea ក៏​កាន់​តែ​មាន​ភាគរយ​ខ្ពស់​ផង​ដែរ៕

ប្រភព៖ AF

Tags
Close

Adblock Detected

Please consider supporting us by disabling your ad blocker