បារាំង អេស្ប៉ាញ

មេធំក្លឹបមួយនៅបារាំង បានសារភាពថាក្រុមគាត់ក៏ធ្លាប់ពិចារណាចំពោះលទ្ធភាព ដើម្បីចុះហត្ថលេខាលើ Messi ផងដែរ

នាយកផ្នែកកីឡាលោក  Leonardo បានសារភាពឲ្យដឹងថាក្លឹប Paris Saint-Germain របស់គាត់ ក៏បានព្យាយាមសិក្សាពីលទ្ធភាពក្នុងការចុះហត្ថលេខាជាមួយកីឡាករ Lionel Messi ផងដែរ បន្ទាប់ពីខ្សែប្រយុទ្ធរូបនេះ បានប្រកាសអំពីចេតនារបស់គេ នៅក្នុងការចាកចេញពីក្រុម Barcelona ។

Leonardo  

ជាក់ស្តែង Messi បានធ្វើឲ្យមានការភ្ញាក់ផ្អើលយ៉ាងខ្លាំងនៅជុំវិញបាល់ទាត់ពិភពលោកទាំងមូល នៅពេលដែលគេបានប្រកាសពីចេតនាចាកចំពោះការចាកចេញពីក្លឹប La Liga ដោយគ្មានតម្លៃខ្លួននៅរដូវក្តៅនេះ ខណ:ពេលដែលក្លឹប Barca បានធ្វើការជំទាស់ នឹងទាមទារឲ្យមានការដាក់សំណើរហូតដល់ ៧០០ លានផោន​ក៏ដោយ ។

Lionel Messi

ប៉ុន្តែទោះជាយ៉ាងណា នៅរយ:ពេលថ្មីៗចុងក្រោយនេះ Messi បានបង្ហើបប្រាប់ទៅកាន់ Goal ថារូបគេនឹងនៅតែបន្តស្នាក់នៅទឹកដី Camp Nou បន្តទៀត ដើម្បីដំណើការកិច្ចសន្យារបស់គេរហូតដល់បញ្ចប់នៅរដូវក្តៅក្រោយសឹមគិតរឿងអនាគតម្តងទៀត ព្រោះមិនចង់មានរឿងក្តីក្តាន់រហូតដល់ឈានដល់ការឡើងតុលាការជាមួយក្រុម Barca ។

Lionel Messi

មិនតែប៉ុណ្ណោះវាត្រូវគេយល់យ៉ាងច្បាស់ថាក្រុម Manchester City អាចជាទិសដៅដ៏ធំមួយសម្រាប់ម្ចាស់ពានរង្វាន់ Ballon d’Or ៦ សម័យកាលរូបនេះ ខណ:ពេលដែលក្រុមសេដ្ឋីបារាំង PSG ក៏បានធ្វើការពិចារណាធចំពោះការផ្លាស់ប្តូរមួយសម្រាប់ Messi ផងដែរ នេះបើយោងតាមការបញ្ជាក់របស់ប្រធានផ្នែកកីឡាករលោក Leonardo  ។

Leonardo

លើសពីនេះលោក Leonardo  និយាយថា ៖ ” ថ្ងៃនេះនៅពេលអ្នកគិតអំពីស្ថានភាពហិរញ្ញវត្ថុ គឺវាមានភាពស្មុគស្មាញខ្លាំងណាស់ ។ ហើយនៅពេលយើងត្រូវបានគេប្រាប់ថា Messi កំពុងចង់ចាកចេញពី Barca ពួកគេក៏ចាប់ផ្តើមពិចារណាភ្លាម ។ បន្ទាប់មកយើងក៏ចាប់ផ្តើមសួរខ្លួនឯងថាតើរឿងនេះវានឹងអាចទៅរួចដែរឬទេ? ព្រោះគាត់គឺជាកីឡាករម្នាក់ ដែលយើងមិនអាចធ្វើការពិភាក្សាអ្វីបានច្រើននោះទេ ” ។

ប្រភព: Goal 

អានអត្ថបទបន្ទាប់៖ Leverkusen ចង់ប្រើលុយដែលបានពីការលក់ Havertz មកចុះហត្ថលេខាលើតារាឆ្នើមនៅ PL រូបនេះចូលក្រុមវិញ

យោងតាមរបាយការណ៍ចុងក្រោយមួយបានឱ្យដឹងថាក្រុម Bayer Leverkusen បានបង្ហាញចំណាប់អារម្មណ៍គួរឱ្យភ្ញាក់ផ្អើលមួយ នៅក្នុងការចុះហត្ថលេខាជាមួយខ្សែការពាររបស់ក្លឹបកាំភ្លើងធំ Arsenal កីឡាករ Hector Bellerin ។

Hector Bellerin 

ជាក់ស្តែងកីឡាករវ័យ ២៥ ឆ្នាំរូបនេះ ក៏បានក្លាយគោលដៅដ៏សំខាន់មួយ ដែលត្រូវបានផ្តល់ជូនសំណើជាទឹកប្រាក់ប្រមាណ ៣០ លានផោនពីសំណាក់ក្រុម Paris Saint-Germain ខណ:ក្រុមកាំភ្លើងធំ Arsenal ត្រូវបានគេយល់ថាពួកគេនឹងធ្វើការពិចារណាឡើងវិញ ចំំពោះលទ្ធភាពក្នុងការអនុញ្ញាតឲ្យ Bellerin ចាកចេញ ។

Hector Bellerin

ហើយយ៉ាងមិញ Leverkusen ថ្មីៗនេះត្រូវគេរាយការណ៍កំពុងលូកដៃចូលទៅក្នុងទីផ្សារដោះដូរកីឡាកររបស់អឺរ៉ុប ដើម្បីអាចធ្វើការពង្រឹងក្រុមរបស់ពួកគេបន្ថែមទៀត នៅក្នុងក្របខ័ណ្ឌ Bundesliga រដូវកាលក្រោយ ខណ:របាយការណ៍ពី The Telegraph បានឲ្យដឹងថា Bellerin អាចនឹងជាកីឡាករដ៏សំខាន់មួយ ដែលអាចជួយបង្កើនឱកាសរបស់ពួកគេបន្ថែមទៀត ។

Hector Bellerin

តែទោះជាយ៉ាងណា Bellerin កំពុងជាប់កុងត្រាជាមួយ Arsenal រហូតដល់ឆ្នាំ ២០២៣ ប៉ុន្តែមុននេះគេហទំព័រ Sportsmail បានរាយការណ៍ថាខ្សែការពារអេស្ប៉ាញ កំពុងបើកទ្វារទទួលយកឱកាស ដើម្បីស្វែងរកការប្រកួតប្រជែងថ្មី។ ខណ:ក្រុម Leverkusen ជឿជាក់ថាប្រាក់ដែលពួកគេបានពីការលក់ Kai Havertz ទៅឲ្យ Chelsea អាចនឹងជួយពួកគេទទួលបានឱកាសចុះហត្ថលេខាជាមួយ Bellerin រួមជាមួយកីឡាករ Serge Aurier របស់ក្រុម Tottenham ផងដែរ ៕

Hector Bellerin

ប្រភព: DailyMail 

 

You may also like