fbpx
បាល់ទាត់អឺរ៉ុបពត៌មានដោះដូរកីឡាករអង់គ្លេស

Bayern Munich សុំទោស City ​ភ្លាមៗ ក្រោយ​ជ្រុល​ដៃ​ទម្លាយ​រូប Sane អង្គុយ​ចុះ​ហត្ថលេខា​ផ្លូវការ

ក្លឹប Bayern Munich បាន​បង្ហាញ​ការ​សុំទោស​ទៅ​កាន់​ភាគី​ខាង​ក្លឹប Manchester City ភ្លាមៗ បន្ទាប់​ពី​មាន​ការ​លេចធ្លាយ​នូវ​រូបភាព​ដែល Leroy Sane អង្គុយ​ចុះ​ហត្ថលេខា​កុងត្រា​ជាមួយ​ក្លឹប​អាល្លឺម៉ង់ ទាំង​ដែល​មិន​ទាន់​ចេញ​សេចក្តី​ប្រកាស​ផ្លូវការ​ទទួល​ស្គាល់​រវាង​ក្លឹប​ទាំង​ពីរ។

Leroy Sane

ត្បិត​បើ​ដំណឹង​នៃ​ការ​ផ្ទេរ​របស់ Sane វា​ជា​ការ​ពិត​ក៏​ដោយ តែ​វា​រាប់​ជា​អំពើ​ខុសឆ្គង​មួយ​ដែល​ភាគី​ម្ខាង​ទៀត​ជ្រុល​ទម្លាយ​រូបភាព​ចេញ​មុន ខណៈ​ដំណឹង​ផ្លូវការ​ត្រូវ​ប្រកាស​នៅ​ពេល​ខាង​មុខ​នោះ។

Leroy Sane
Leroy Sane

តាម​ដឹង​ការ​ផ្ទេរ​របស់ Sane គឺ​មាន​តម្លៃ​ជិត ៥៥ លាន​ផោន លើ​កុងត្រា​រយៈ​ពេល ៥ ឆ្នាំ។ នេះ​ជា​តម្លៃ​ដែល​ធ្លាក់​ចុះ​យ៉ាង​គំហុក ដោយ​ហាងឆេង​ថ្លៃ​ខ្លួន​របស់​កីឡាករ​អាល្លឺម៉ង់​កាល​ពី​រដូវ​ក្តៅ​ឆ្នាំ​ទៅ​គឺ​ថ្លៃ​លើស ១០០ លាន​ផោន​ទៀត តែ​ដោយសារ​ការ​រង​របួស​ញាំញី គួប​ផ្សំ​នឹង​វិបត្តិ​កូវីដ១៩ ផង ទើប​រុញ​ឲ្យ​ការ​ចរចា​អាច​ប្រព្រឹត្តិ​ទៅ​បាន​ក្នុង​តម្លៃ​ចុះ​ច្រើន​បែប​នេះ។

Pep/Sane

បញ្ជាក់​ថា​រដូវ​កាល ២០១៩/២០ Sane ទើប​តែ​លេច​វត្តមាន​លើ​ទីលាន​ឲ្យ City នៅ PL បាន ១ លើក​គត់ ហើយ​រត់​បាន​តែ​ជាង ១១ នាទី​ទៀត៕

ប្រភព៖ AF

អានអត្ថបទបន្ទាប់៖ យុវជន​វ័យ ២០ ឆ្នាំ​របស់ City ឈ្នះ MOTM ទៀត​ហើយ ខណៈ​កូន​ហង្ស​រូប​នេះ​លេង​អន់​បំផុត

ជំនួប​រវាង Man City និង Liverpool នៅ​ឯ​កីឡដ្ឋាន Etihad កាល​ពី​យប់​មិញ បាន​បញ្ចប់​ទៅ​ក្រោម​លទ្ធផល ៤-០ ដែល​ម្ចាស់​ផ្ទះ​បាន​ដាក់​សម្ពាធ​យ៉ាង​ធ្ងន់ធ្ងរ​ទៅ​លើ​ក្រុម​ឈ្នះ​ជើង​ឯក​ប្រចាំ​រដូវ​កាល ២០១៩/២០។

Liverpool/Man City

គ្រាប់​បាល់ ៣ គ្រាប់​កើត​ចេញ​ពី​កីឡាករ De Bruyne, Sterling និង Foden ខណៈ​ ១ គ្រាប់​ផ្សេង​ទៀត​ជា​បាល់ Own-Goal ​កំហុស​របស់ Chamberlain នៃ​សំណាក់​ក្លឹប​ហង្ស​ក្រហម Liverpool។

Man City

តាម​ការ​វាយ​តម្លៃ​ពិន្ទុ​នៅ​លើ WhoScored បង្ហាញ​ឲ្យ​ឃើញ​ថា Phil Foden ដែល​ជា​យុវជន​វ័យ ២០ ឆ្នាំ​ធ្លាប់​ឈ្នះ MOTM ប្រកួត​កន្លង​ទៅ នៅ​ប្រកួត​នេះ​រូប​គេ​បាន​បន្ត​ជាប់​ឈ្មោះ​ជា​កីឡាករ​ល្អ​បំផុត​ទៀត​ហើយ។

Joseph Gomez

Foden ដែល​បាន ៨,៧ ពិន្ទុ មាន​ស្ថិតិ​បញ្ជូន​បាល់​ជោគជ័យ ៨០ ភាគរយ ស៊ុត​ ៤ លើក ចូល ១ គ្រាប់​និង Assist ១ លើក​ឲ្យ​ក្រុម​មេឃ​ខៀវ។ អ្នក​បន្ទាប់​គឺ De Bruyne ដែល​ជា​អ្នក​ស៊ុត​បាល់ ១១ ម៉ែត្រ​ចូល​ទី​និង Assist ១ លើក​ដូច​គ្នា​បាន ៨,៦ ពិន្ទុ។

រូបភាព៖ WhoScored

ក្រឡេក​ទៅ​មើល​កីឡាករ​ខ្សោយ​បំផុត​ក្នុង​ការ​ប្រកួត មាន​ដូច​ជា Joseph Gomez របស់​ហង្ស​ដែល​មាន​ពិន្ទុ ៥,០ ដែល​កីឡាករ​វ័យ ២៣ ឆ្នាំ​រូប​នេះ ត្រូវ​បាន​ប្តូរ​ចេញ​នៅ​នាទី ៤៦ ដាក់ Chamberlain មក​ចូល​ជំនួស៕

ប្រភព៖ WhoScored

Tags
Close

Adblock Detected

Please consider supporting us by disabling your ad blocker