fbpx
បាល់ទាត់អឺរ៉ុបអង់គ្លេស

Carrick ទម្លាយពីភាពខកចិត្តដ៏ធំបំផុតមួយ នៅក្នុងអាជីពជាកីឡាកររបស់ក្រុម Man Utd របស់ខ្លួន

Michael Carrick គ្រូបង្វឹកជំនួយរបស់ក្រុមបិសាចក្រហម Manchester United បានសារភាពថាការបរាជ័យចុងក្រោយរបស់ក្លឹប ក្នុងឆ្នាំ ២០០៩ នៅក្របខ័ណ្ឌ Champions League ក្រោមថ្វីជើងរបស់ក្រុម Barcelona នៅតែធ្វើឱ្យលោកមានការខកចិត្តខ្លាំង រហូតមកដល់ពេលបច្ចុប្បន្ននេះ ។

Michael Carrick 

គួរបញ្ជាក់ថាអតីតខ្សែបម្រើសញ្ជាតិអង់គ្លេសរូបនេះ បានសម្រេចចិត្តចូលនិវត្តពីបាល់ទាត់ ក្នុងឆ្នាំ ២០១៨ បន្ទាប់ពីទទួលបានពានរង្វាន់ចំនួន ១២ នៅឯទឹកដី Old Trafford បន្ទាប់ពីការផ្លាស់ប្តូរក្នុងតម្លៃខ្លួនប្រមាណ ១៨,៦ លានផោនពីក្រុម Tottenham ។

មិនតែប៉ុណ្ណោះ Carrick ក៏បានឈ្នះពានរង្វាន់ក្របខ័ណ្ឌ Premier League ចំនួន ៥ នឹងពានរង្វាន់ធំៗផ្សេងទៀតចំនួន ៦ ផងដែរ ហើយរួមទាំងពានរង្វាន់ក្របខណ្ឌ UCL នៅពេលប្រកួតផ្តាច់ព្រ័ត្រទល់ក្រុម Chelsea ក្នុងឆ្នាំ ២០០៨ ។

Michael Carrick

លើសពីនេះក្រុម United ក៏មានឱកាសដើម្បីក្លាយជាម្នាស់ពានរង្វាន់ UCL ម្តងទៀត នៅក្នុងឆ្នាំបន្ទាប់ផងដែរ ដោយពួកគេត្រូវជួបជាមួយក្រុម Barca នៅក្នុងទីក្រុង Rome តែទោះបីជាយ៉ាងណាក៏ដោយ Lionel Messi គឺជាផ្នែកសំខាន់មួយ ដែលជួយឲ្យក្រុម Barca បំបាក់ United នៅក្នុងវគ្គផ្តាច់ព្រ័ត្រនោះ ខណ:ដែលវាបានធ្វើឲ្យលោក Carrick នៅតែមានអារម្មណ៍សោកស្តាយខ្លាំងបំផុត ចំពោះការបរាជ័យដ៏ធំមួយនេះ ។

Michael Carrick

ប្រភព: Metro 

អានអត្ថបទបន្ទាប់៖ Rashford ប្រាប់ឈ្មោះមិត្តរួមជាតិអង់គ្លេសម្នាក់់ ដែលគេប្រាថ្នាចង់ចាប់ដៃគូលេងជាមួយគ្នា ក្នុងក្រុម Man Utd

កីឡាករ Marcus Rashford បានសារភាពថារូបគេនឹងពេញចិត្តខ្លាំង បើ Jadon Sancho យល់ព្រមចុះហត្ថលេខាជាមួយក្រុម Manchester United នៅរដូវក្តៅខាងមុខនេះ ព្រោះខ្សែប្រយុទ្ធវ័យក្មេងរូបនេះ មានលក្ខណ:សម្បត្តិទាំងអស់ ដើម្បីក្លាយជាកីឡាករលំដាប់ពិភពលោកនៅថ្ងៃអនាគត ។

Jadon Sancho

ជាក់ស្តែងតារាឆ្នើមរបស់ក្រុម Borussia Dortmund រូបនេះ មានទំនាក់ទំនងយ៉ាងខ្លាំងជាមួយនឹងការផ្លាស់មកកាន់ក្រុម United បន្ទាប់ពីមានរដូវកាលដ៏អស្ចារ្យមួយផ្សេងទៀត ក្នុងប្រទេសអាល្លឺម៉ង់ ។

Jadon Sancho

ហើយយ៉ាងណាមិញ Rashford ដែលបានមើលឃើញពីទេពកោសល្យដ៏អស្ចារ្យរបស់ Sancho ហើយក៏មានភាពស្និតស្នាលជាមួយគ្នាខ្លាំងផងដែរ អំំលុងពេលលេងឲ្យក្រុមជម្រើសជាតិអង់គ្លេស ខណ:រូបគេបានសារភាពថា Sancho នឹងក្លាយជាកីឡាករដ៏អស្ចារ្យម្នាក់ សម្រាប់ក្រុមបិសាចក្រហម ប្រសិនបើរូបគេយល់ព្រមផ្លាស់មក ។

Marcus Rashford

មិនតែប៉ុណ្ណោះដោយនិយាយនៅលើបណ្តាញសង្គម Instagram ក្នុងកម្មវីធី Q&A ជាមួយ Bleacher Report កីឡាករ Rashford បាននិយាយថា ៖ “ វាពិតជាល្អណាស់ ។  Sancho គឺជាកីឡាករឆ្នើម និងជាកីឡាករជំនាន់ថ្មី ។ ហើយវាពិតជារំភើបណាស់ ដែលបានមើលឃើញគាត់កំពុងតែរីកចម្រើនខ្លាំង ។ ខ្ញុំសង្ឃឹមថាយើងទាំងពីរ អាចបានលេងជាមួយគ្នា ” ៕

ប្រភព: Daily Mail 

 

Tags
Close

Adblock Detected

Please consider supporting us by disabling your ad blocker