Juve នឹង​ទៅ​ប្រជែង Man Utd យក​កីឡាករ​គោលដៅ​រូប​នេះ ប្រសិន​ត្រូវ​បាត់បង់ Arthur

តាម​ដំណឹង​ចុង​ក្រោយ កីឡាករ​លេង​តំណែង​បម្រើ Arthur Melo មាន​ភាគរយ​ខ្ពស់ អាច​នឹង​ត្រូវ​ដើរ​ចេញ​ពី​ក្លឹប Juventus ហើយ​ប្រហែល​ជា​ក្លឹប Arsenal ដែល​នឹង​ក្លាយ​ជា​ទ្រនំ​ថ្មី​របស់​គេ​នៅ​ពេល​បន្ទាប់។

បើ​តាម​សារព័ត៌មាន Sky Sport ចុះ​ផ្សាយ​ថា ក្លឹប​សេះ​បង្កង់ ក៏​បាន​សម្លឹង​ឃើញ​គោលដៅ ដែល​ចង់​យក​មក​ជំនួស ខ្សែ​បម្រើ​ប្រេស៊ីល​រួច​ជា​ស្រេច​ដែរ តែ​សារ​នេះ គឺ​នឹង​ទៅ​ប្រជែង​ជាមួយ​ក្លឹប Man Utd ព្រោះ​អី​ក្លឹប​បិសាច​ក្រហម​ក៏​លឺ​ថា​ចង់​បាន​ដែរ។ នោះ​គឺ​កីឡាករ​ Denis Zakaria នៃ​ក្លឹប Borussia Monchengladbach។

បុរស​វ័យ ២៥ ឆ្នាំ​ខាង​លើ ត្រូវ​បាន​គេ​ស្គាល់​ជា​ខ្សែ​បម្រើ​ការពារ ដែល​មាន​កម្ពស់​ខ្ពស់​ដល់​ទៅ ១,៩១ ម៉ែត្រ ហើយ​គេ​ក៏​ត្រៀម​នឹង​ផុត​កុងត្រា​នៅ​បញ្ចប់​រដូវ​កាល​ខាង​មុខ​ផង​ដែរ។ Man Utd ជា​ក្លឹប​ធំ​មួយ ដែល​បាន​ដាក់​គោលដៅ ចង់​បាន​កីឡាករ​ស្វីស តែ​ឥឡូវ​ក៏​មាន Juventus មួយ​ទៀត​នឹង​ចូល​មក​ប្រជែង៕

ប្រភព៖ Sky Sports