Barcelona សម្លឹង​ឃើញ​ខ្សែ​ប្រយុទ្ធ​កំពូល​ល្បឿន​នៅ PL ចង់​យក​មក​ជំនួស Dembele

ក្លឹប​អ្នក​មាន​បុណ្យ Barcelona អាច​នឹង​បាត់បង់ Ousmane Dembele ​នៅ​ពេល​ខាង​មុខ ពោល​នៅ​ពេល​សុពលភាព​កុងត្រា​ត្រូវ​ផុត​កំណត់ នា​បញ្ចប់​រដូវ​កាល ហើយ​មិន​លឺ​ដំណឹង​អំពី​ការ​បន្ត​កុងត្រា​ថ្មី អាច​កើត​ឡើង​ទៅ​បាន​នោះ​ទេ។

បើ​តាម​សារព័ត៌មាន Sport ចុះ​ផ្សាយ​ថា ក្លឹប​ម្ចាស់ដី Camp Nou ក៏​បាន​សម្លឹង​រួច​ជា​ស្រេច​ដែរ នៅ​កីឡាករ​ដែល​អាច​មក​ជំនួស​ តំណែង​កីឡាករ​បារាំង​ខាង​លើ​បាន សារ​នេះ គឺ​មើល​ឃើញ​សមត្ថភាព​កីឡាករ​នៃ​ក្លឹប Wolves ខ្សែ​ប្រយុទ្ធ​ស្លាប Adama Traore។

នេះ​ជា​ខ្សែ​ប្រយុទ្ធ​ជំនាញ​ខាង​ប្រើប្រាស់​ល្បឿន ហើយ​តម្លៃ​របស់​គេ ក៏​មិន​ជា​ថ្លៃ​ពេក​ដែរ ព្រោះ​អី​សល់​កុងត្រា​ត្រឹម​រយៈ​ពេល ១៨ ខែ។ តាម​ពិត​ទៅ Traore ​ក៏​ធ្លាប់​ជា​អតីត​យុវជន​នៅ​ក្លឹប Barcelona ដែល​ចាកចេញ​កាល​ពី​ឆ្នាំ ២០១៥ ដូច្នេះ​ការ​វិល​មក​វិញ​សារ​នេះ សម្រាប់​អ្នកចាត់ការ​លោក Xavi Hernandez គឺ​រំពឹង​ខ្ពស់ ថា​គេ​នឹង​អាច​ជួយ​ក្រុម​បាន​ច្រើន៕

ប្រភព៖ Sport