បែក​ធ្លាយ​សារ​សំឡេង Mendes ដើម​ឡើយ​ចង់​ឲ្យ Felix ទៅ​ក្លឹប​អង់គ្លេស​នេះ មិនមែន At Madrid ទេ

កាល​ពី​រដូវ​ក្តៅ ឆ្នាំ ២០១៩ Joao Felix បាន​ផ្ទេរ​ចូល​នៅ​តម្លៃ​បំបែក​កំណត់ត្រា ១២៧,២ លាន​អឺរ៉ូ មក​កាន់​ក្លឹប​អេស្ប៉ាញ Atletico Madrid តែ​យ៉ាង​ណា សមិទ្ធផល​របស់​គេ​ជាមួយ​ក្លឹប​អេស្ប៉ាញ ហាក់​មិន​ជោគជ័យ​ដូច​ការ​គ្រោង​ទុក​ឡើយ។ ជាក់ស្តែង​នៅ ៩៤ ប្រកួត អាច​រក​បាន​តែ ២២ គ្រាប់​និង Assist ១២ លើក​ប៉ុណ្ណោះ។

យ៉ាង​ណា​បើ​តាម​សារ​សំឡេង​បែក​ធ្លាយ ដែល​ចុះ​ផ្សាយ​ដោយ​គេហទំព័រ Record របស់​ព័រទុយហ្គាល់​បាន​ឲ្យ​ដឹង​ថា ដើម​ឡើយ​ពេល​ផ្ទេរ​ចេញ​ពី ក្លឹប Benfica គឺ Felix ត្រូវ​បាន​ភ្នាក់ងារ Jorge Mendes តម្រង់​ទិស​ចង់​ឲ្យ​ផ្ទេរ​ទៅ​ក្លឹប Manchester City ​ឯ​ណោះ​ទេ តែ​ដោយសារ​កញ្ចប់​ចំណាយ​សារ​នោះ ក្លឹប​អង់គ្លេស​មិន​អាច​ចាយ​ក្រាស់ក្រែល​ដល់​ក្លឹប​អេស្ប៉ាញ ទើប​នាំ​ឲ្យ​បរាជ័យ​ការ​ចរចា។

ប្រភព​រៀបរាប់​ពី​សារ​សំឡេង​របស់ Mendes៖ “Vieira [អតីត​ប្រធាន​ក្លឹប Benfica] ចង់​ឲ្យ​ខ្ញុំ​ដាក់​សំណើ​តម្លៃ​ផ្ទេរ​គេ ១២០ លាន​អឺរ៉ូ ដោយ​ខ្ញុំ​មាន​សំណើ ៤ ក្នុង​ដៃ ហើយ​អាច​រើស​យក​តែ​មួយ​ទេ រួច​មាន​តែ​មួយ​ក្លឹប​ទេ គឺ Atletico ព្រម​ឲ្យ​តម្លៃ​ខ្លួន​ ១២០ លាន​អឺរ៉ូ​ហ្នឹង ដោយ​ក្លឹប​ឯ​ទៀត ចង់​ឲ្យ​គេ​បន្ត​នៅ Benfica មួយ​ឆ្នាំ​ទៀត​សិន [ដើម្បី​ធ្លាក់​តម្លៃ​ខ្លួន”។

លោក Mendes បន្ត៖ “ក្លឹប​ល្អ​បំផុត​សម្រាប់ Joao Felix គឺ​គួរ​តែ​ទៅ​ចូលរួម​ជាមួយ​លោក Pep Guardiola នៅ​ឯ Man City”៕ ប្រភព៖ Record