Kounde លើកប្រាប់ហេតុធំមួយ ដែលបោះបង់ចោល Chelsea ងាកមកស្រវ៉ាយក Barca វិញ

ថ្មីៗនេះ ខ្សែការពារឆ្នើម Jules Kounde បានបញ្ជាក់ថារូបគេ មានឱកាសដើម្បីចូលរួមជាមួយក្លិបតោខៀវ Chelsea ពីក្រុម Sevilla នៅរដូវក្តៅនេះ ប៉ុន្តែយ៉ាងណា នៅចុងបញ្ចប់គេបានសម្រេចចិត្តផ្លាស់ ទៅកាន់ក្លិប Barcelona ជំនួសវិញ ។

Jules Kounde

ជាក់ស្តែង ក្លិប Chelsea ត្រូវ​បាន​គេ​ជឿ​ថា​ ហាក់ខិតជិតក្នុងការ​ឈាន​ដល់​ការ​ចុះ​ហត្ថលេខា​លើ​កីឡាករ​សញ្ជាតិ​បារាំង​រូប​នេះទៅហើយ ​កាល​ពី​ខែ​មុន ​មុន​ពេល Barcelona ចូលមកប្រជែង ​ដើម្បី​នាំយក Kounde មកកាន់ទឹកដី Camp Nou ។

ហើយមិនតែប៉ុណ្ណោះ Kounde បាននិយាយថាក្រុមតោខៀវ គឺជាគោលដៅចម្បងមួយសម្រាប់គេ នៅរដូវក្តៅនេះ ប៉ុន្តែទោះជាយ៉ាងនេះក្តី គេមិនបានបដិសេធឱកាស ដើម្បីចូលរួមជាមួយក្លិបយក្សកាតាឡានបាននោះឡើយ ជាពិសេសនៅពេលដែលក្លិប La Liga នេះ ដាក់សំណើផ្តល់ជូនមកកាន់ខ្លួន ។

លើសពីនេះ កីឡាកររូបនេះ បាននិយាយថា ៖ “ខ្ញុំមានឱកាសទៅ Chelsea ប៉ុន្តែខ្ញុំបានជ្រើសរើស Barcelona ដោយសារតែពួកគេមានគម្រោងជាមួយនឹងមហិច្ឆតាធំជាង។ ខ្ញុំបានរង់ចាំកិច្ចព្រមព្រៀងរបស់ Barcelona ” ។ ” ខ្ញុំចូលចិត្តលេងនៅ La Liga ប៉ុន្តែអ្នកត្រូវតែសម្របតាមទម្រង់លេងរបស់ Barcelona ” ៕

ប្រភព: Sportsmole