Man Utd អត់​បាច់​ខំ​ចរចា​ទេ De Jong ដាក់​គោលដៅ​ហើយ បើ​មិន​បាន​ក្លឹប ២ នេះ ​មិន​ខ្ចី​ទៅ

ក្លឹប Barcelona មាន​មូលហេតុ​ជា​ច្រើន ដែល​ព្យាយាម​ចង់​លក់​ចេញ Frenkie de Jong ឲ្យ​បាន​សម្រេច​ត្រឹម​ទីផ្សារ​ដោះដូរ​រដូវ​ក្តៅ ដោយ​ហេតុផល​ចម្បង​គឺ​កត្តា​ហិរញ្ញវត្ថុ ព្រោះ​អី​កីឡាករ​ហូឡង់ ជា​សមាជិក​ស៊ី​ថ្លៃ​បំផុត​មួយ ហើយ​តម្លៃ​ផ្ទេរ​ចេញ រំពឹង​អាច​កើប​ចំណូល​ខ្ពស់​ចូល​ហោប៉ៅ​ក្លឹប។

ទោះ​ជា​យ៉ាង​ណា​កីឡាករ​ផ្ទាល់ មិន​មាន​ចិត្ត​ចង់​ចាកចេញ​ប៉ុន្មាន​នោះ​ទេ ហើយ​បើ​និយាយ​អំពី​ការ​ផ្ទេរ​ទៅ​ក្លឹប Man Utd វិញ ខាង​ភាគី​ក្លឹប​អង់គ្លេស​ព្យាយាម​ចែចូវ​ច្រើន​លើក​ច្រើន​សារ​ក៏​នៅ​តែ​មិន​សម្រេច។ ឥឡូវ​អស់​ការ​អត់.ធ្មត់​នឹង​ក្លឹប​ប.ង្ខំ​ពេក ក៏​នាំ​ឲ្យ​កីឡាករ​វ័យ ២៥ ឆ្នាំ ជ្រើស​យក​ផ្លូវ​បែក តែ​ព្រម​លុះត្រា​ឆ្លង​កាត់​សំណើ​ក្លឹប​ ២ ជោគជ័យ។

តាម​សារព័ត៌មាន Sky Sport Germany រាយការណ៍​ថា បើ​មិន​បាន​ការ​ផ្ទេរ​ទៅ​ក្លឹប Chelsea ឬ Bayern Munich ទេ នោះ De Jong នឹង​មិន​ព្រម​ដើរ​ចេញ​ពី Barcelona ហើយ​ស៊ូ​បន្ត​ឈរ​ដល់​អស់​កុងត្រា។ នេះ​យើង​មិន​ច្បាស់​ថា ការ​ចរចា​ដំណើរការ​បែប​ណា​ទៀត​ទេ ដ្បិត​អី​យុទ្ធនាការ​រដូវ​កាល​ថ្មី នៅ La Liga ក៏​កៀក​ជិត​មក​ដល់ ពោល​អ្នក​មាន​បុណ្យ​ត្រូវ​កំណត់​ប៉ះ Rayo Vallecano នៅ​ថ្ងៃ​ទី ១៤ ​សីហា៕

ប្រភព៖ Sky Sport Germany