Carraggher៖ “គ្មាន​ក្លឹប​នៅ​អឺរ៉ុប​ណា​ចង់​បាន CR7 ទេ សូម្បី Ten Hag ក៏​លែង​ត្រូវ​ការ​ដែរ”

អ្នក​វិភាគ​លើ​ប៉ុស្តិ៍​ទូរទស្សន៍​លោក Jamie Carragher បាន​ធ្វើ​ការ​ពន្យល់​អំពី​ស្ថានភាព​ចុង​ក្រោយ​របស់​តារា​ឆ្នើម Cristiano Ronaldo ដែល​មើល​ទៅ​ពិត​ជា​ពិបាក​ខ្លាំង ក្រោយ​លែង​មាន​ក្លឹប​ធំៗ​ត្រូវ​ការ ហើយ​សូម្បី​អ្នកចាត់ការ​នៅ​ក្លឹប​អាណាព្យាបាល​បច្ចុប្បន្ន​ផង​ដែរ។

អតីត​ Legend របស់​ក្លឹប Liverpool ខាង​លើ​និយាយ៖ “ខ្ញុំ​តែងតែ​គិត​ថា នេះ​ជា​ការ​ចុះ​ហត្ថលេខា​ដែល​មិន​ល្អ​ទាល់​តែ​សោះ ដ្បិត​ Ronaldo នៅ​មាន​គុណភាព​ ដូច​ពេល​នេះ​អ៊ីចឹង​មើល​ចុះ​ក្លឹប​នៅ​អឺរ៉ុប​លែង​ត្រូវ​ការ​គេ អាច​ថា​ប្រហែល​ខ្ញុំ​និយាយ​ខុស តែ​សូម្បី​លោក Ten Hag បើ​សួរ​គាត់​ពេល​នេះ ក៏​គាត់​នឹង​និយាយ​ថា​លែង​ត្រូវ​ការ​ដូច​គ្នា”។

លោក​បន្ត៖ “ខ្ញុំ​ក៏​អត់​ច្បាស់​ដូច​គ្នា ថា​មិត្ត​រួម​បន្ទុក​នៅ United នៅ​ត្រូវ​ការ Ronaldo ទៀត​ឬ​អត់​ពេល​នេះ ដោយ​ការ​ពិត គេ​ស្ថិត​នៅ​វ័យ ៣៧,៣៨ ឆ្នាំ​រដូវ​កាល​នេះ​ហើយ គេ​ក៏​លែង​ដូច​កីឡាករ​ពី​មុន បើ​ទោះ​បី​មាន​គុណភាព​អាច​រក​បាន​គ្រាប់​បាល់​ក៏​ដោយ”៕

ប្រភព៖ BeSoccer