[ផ្លូវការ] កីឡាករ​វ័យ​ក្មេង​របស់ Barcelona ម្នាក់ សម្រេច​ទៅ​ចុះចូល​នៅ​ក្លឹប​អាមេរិក

ក្លឹប Barcelona បាន​ព្រមព្រៀង​អនុញ្ញាត​ឲ្យ Riqui Puig ចាកចេញ​ទៅ​នៅ​លក្ខខណ្ឌ​ឥត​តម្លៃ​ខ្លួន ចុះចូល​ជាមួយ​ក្លឹប Los Angeles ឬ​បងប្អូន​ស្គាល់ LA Galaxy។ នេះ​ជា​លក្ខខណ្ឌ​ដែល​ក្លឹប​អាណាព្យាបាល បញ្ចប់​កុងត្រា​មុន​កាល​កំណត់ តែ​ក៏​មាន​លក្ខខណ្ឌ​ជាក់លាក់​មួយ​ចំនួន​ដែរ រវាង​ភាគី​ក្លឹប​នៅ​ឯ​លីគ​កំពូល MLS។

ខ្សែ​បម្រើ​វ័យ ២២ ឆ្នាំ​តាម​ថា​សល់​កុងត្រា ១២ ខែ​ទៀត តែ Barca ក៏​ព្រម​អនុញ្ញាត​ឲ្យ​គេ​ចាកចេញ​នៅ​លក្ខខណ្ឌ​ឥត​តម្លៃ​ផ្ទេរ តែ​ព្រមព្រៀង​រវាង​ភាគី​ក្លឹប LA Galaxy ថា​ពេល​ទៅ​មុខ បើ​ពួក​គេ​ចង់​បាន​ត្រលប់​មក​វិញ គឺ​ត្រូវ​តែ​មាន​សិទ្ធ​អាទិភាព​ក្នុង​ការ​សម្រេច ហើយ​រាល់​ការ​លក់​ចេញ​នៅ​ពេល​អនាគត ខាង​ក្លឹប Barca ត្រូវ​ទទួល​បាន​ចំណែក ៥០ ភាគរយ។

នេះ​អាច​ថា ជា​ផែនការណ៍ ក្លឹប​ចង់​ឲ្យ Puig បាន​ឱកាស​អភិវឌ្ឍ​ខ្លួន ព្រោះ​តំបន់​បម្រើ​គរ​ជើង​គ្នា​ច្រើន​នៅ Barcelona ពោល​បើ​បន្ត​ក៏​មិន​សង្ឃឹម​នឹង​ទទួល​បាន​ពេលវេលា​ច្រើន​ដែរ។ ដូច​រដូវ​កាល​មុន បង្ហាញ​ខ្លួន​លើ​ទីលាន​បាន​ត្រឹម ៥៤៤ នាទី​គត់។ ប្រកួត​បើក​ឆាក​របស់ Puig ជាមួយ​ក្លឹប​ថ្មី បើ​តាម​ការ​រំពឹង​ទុក ទំនង​ជា​នៅ​ថ្ងៃ​អាទិត្យ​ខាង​មុខ វេលា​ម៉ោង ០៧:៣០ នាទី​ព្រឹក ជា​ការ​តតាំង​រវាង​ក្លឹប Sporting KC៕

ប្រភព៖ BeSoccer