Barcelona សម្រេច​ដក​អាវ​លេខ ៩ ពី Depay មក​ផ្តល់​ឲ្យ​កីឡាករ​រូប​នេះ​វិញ

ក្លឹប​អ្នក​មាន​បុណ្យ Barcelona បាន​ប្រកាស​ពី​ការ​ផ្តល់​អាវ​លេខ ៩ ទៅ​កាន់​ចំណូល​ថ្មី Robert Lewandowski នៅ​ថ្ងៃ​ប្រកាស​វត្តមាន​កីឡាករ កាល​ពី​ថ្ងៃ​សុក្រ​កន្លង​ទៅ នៅ​មុខ​អ្នក​គាំទ្រ​ជិត ៦០ ០០០ នាក់ ក្នុង​កីឡដ្ឋាន Spotify Camp Nou។

នេះ​ជា​ការ​ផ្ទេរ​លេខ​អាវ​ពី Memphis Depay មក​ឲ្យ​កីឡាករ​ប៉ូឡូញ ខណៈ​កីឡាករ​ហូឡង់​ឯ​ណោះ​វិញ មិន​ទាន់​សម្រេច​ថា នឹង​ប្រើប្រាស់​លេខ​អាវ​ណា​មួយ​នៅ​ឡើយ តែ​ការ​សម្រេច​នឹង​បង្ហាញ​ចេញ​មក ​មុន​ការ​ចាប់ផ្តើម​រដូវ​កាល​ថ្មី នា​សប្តាហ៍​បន្ទាប់។

ប្រធាន​ក្លឹប​អ្នក​មាន​បុណ្យ លោក Joan Laporta បាន​និយាយ៖ “វា​ជា​ការ​សម្រេច​ចិត្ត​របស់​ក្លឹប យើង​ធ្វើ​នេះ ដើម្បី​ប្រយោជន៍​រួម ទាំង​សម្រាប់​រូបភាព​ទាំង​មូល និង​ការ​ផ្សាយ​ពាណិជ្ជកម្ម ហើយ​ការ​គោរព​ចំពោះ Mephis គឺ​យើង​នៅ​តែ​មាន​ដដែល”៕

ប្រភព៖ បរទេស