fbpx
ពត៌មានដោះដូរកីឡាករអង់គ្លេសអេស្ប៉ាញ

Man City ផ្ដល់ឲ្យ Joao Cancelo ជាថ្នូរនៃការដោះដូរយក កីឡាកររបស់ Barcelona ម្នាក់

ខ្សែការពារ Nelson Semedo ទទួលបានការចាប់អារម្មណ៍ពីសំណាក់ក្លឹបធំៗនៅអឺរ៉ុប ខណៈដែលបច្ចុប្បន្នក្លឹប Barcelona មានបំណងចង់លក់រូបគេចេញនៅរដូវក្ដៅខាងមុខនេះ។

បើតាមការចុះផ្សាយរបស់សារព័ត៌មានអង់គ្លេស The Sun បានឲ្យដឹងថា ក្លឹប Manchester City របស់លោក Pep Guardiola បានចូលរួមជាបេក្ខភាពក្នុងការចុះហត្ថលេខា ខ្សែការពារព័រទុយហ្គាល់រូបនេះ ដើម្បីប្រជែងតំណែងជាមួយ Kyle Walker។

គួររំឮកថា Man City បានចុះហត្ថលេខាខ្សែការពារ Joao Cancelo ពីក្លឹប Juventus ដើម្បីធ្វើឲ្យមានការប្រកួតប្រជែងជម្រើសដំបូងជាមួយ Walker ប៉ុន្ដែរូបគេមិនបានបង្ហាញទម្រង់លេងល្អដូចរំពឹងទុកឡើយ។

ហើយប្រភពខាងលើកបានឲ្យដឹងថា ក្លឹបអង់គ្លេសនឹងប្ដូរ Cancelo ជាថ្នូរនាំយក Semedo ពីក្លឹបអ្នកមានបុណ្យ ប៉ុន្ដែ Barca ចង់ប្រើប្រាស់ខ្សែការពាររបស់ពួកគេសម្រាប់សំណើដទៃផ្សេងទៀត៕

ប្រភព៖ SPORT

អានអត្ថបទបន្ទាប់៖ PSG ដាច់​ចិត្ត​ចរចា​យក Icardi ហើយ ដោយ​ហ៊ាន​ឲ្យ​តម្លៃ​ចំណេញ ១ ទ្វេ​ជា ៤ ដល់ Inter Milan

ក្លឹប​បារាំង Paris Saint-Germain ដែល​បាន​ខ្ចី​ជើង Mauro Icardi ចេញ​ពី Inter Milan ទី​បំផុត​សម្រេច​ចិត្ត​លើ​ការ​ចរចា​ទិញ​ផ្តាច់​កីឡាករ​អាហ្សង់ទីន​រូប​នេះ​ហើយ។ នេះ​បើ​តាម​របាយការណ៍​ពី Sky Sports បាន​ចុះ​ផ្សាយ។

ប្រធានក្លឹប PSG
Mauro Icardi

ប្រភព​បាន​ឲ្យ​ដឹង​ថា​ក្លឹប​សេដ្ឋី​បារាំង ព្រម​ដាក់​សំណើ​តម្លៃ ៥០ លាន​អឺរ៉ូ បូក​នឹង ១០ លាន​អឺរ៉ូ​ផ្សេង​ទៀត​លើ​ប្រាក់​ឧបត្ថម្ភ​ផ្សេងៗ​សម្រាប់​ការ​នាំ​យក Icardi មក​កាន់​ទីក្រុង​ប៉ារីស​ជា​កីឡាករ​ពេញ​ជើង។

ទំហំ​នេះ​គឺ​មើល​ឃើញ​ថា​ចំណេញ​ ១ ទ្វេ​ជា ៤ សម្រាប់ Inter ដែល​កាល​ទិញ Icardi ពី Sampdoria នៅ​ឆ្នាំ ២០១៣ គឺ​ចាយ​អស់​តែ​ជាង ១០ លាន​អឺរ៉ូ​ប៉ុណ្ណោះ។

Mauro Icardi

បញ្ជាក់​ថា​រដូវ​កាល ២០១៩/២០ Icardi ​រក​បាន ២០ គ្រាប់​នៅ ២៨ ប្រកួត​សរុប​ឲ្យ​ក្លឹប​ PSG ក្រោយ​ផ្លាស់​មក​ចូលរួម​ជាមួយ​ក្លឹប​កាល​ពី​ដើម​ខែ​កញ្ញា​កន្លង​ទៅ។ នៅ​លក្ខខណ្ឌ​ដំបូង​គឺ Inter ទារ ៧០ លាន​អឺរ៉ូ​សម្រាប់​តម្លៃ​ទិញ​ផ្តាច់ តែ​មក​ទល់​ពេល​ចុង​ក្រោយ​នេះ​គឺ​ត​ថ្លៃ​ឲ្យ​មាន​ការ​បន្ធូរបន្ថយ​បន្តិច៕

ប្រភព៖ Goal

 

Tags
Close

Adblock Detected

Please consider supporting us by disabling your ad blocker