fbpx
បាល់ទាត់អឺរ៉ុបអ៊ីតាលី

Marchisio ថាក្នុងចំណោមកីឡាករពាក់អាវលេខ ១០ នៅ Juventus ទាំងអស់ មានតែម្នាក់នេះទេ លេចធ្លោជាងគេ

អតីតជើងចាស់ Claudio Marchisio ជឿជាក់ថា Paulo Dybala គឺជាកីឡាករឆ្នើមម្នាក់ ដែលបានពាក់អាវលេខ ១០ នៅក្នុងក្រុម Juventus ។

Paulo Dybala

គួរបញ្ជាក់អតីតតារាឆ្នើម Alessandro Del Piero, Roberto Baggio និង Michel Platini សុទ្ធសឹងតែពាក់អាវលេខ ១០ ក្នុងប្រវត្តិសាស្រ្តរបស់ Bianconeri ហើយវាត្រូវបានគេចាត់ទុកថាជាកិត្តិយសដ៏អស្ចារ្យបំផុតមួយ ចំពោះកីឡាករណា ដែលអាចមានឱកាសក្នុងការពាក់អាវលេខនេះ ។

Paulo Dybala

ជាក់ស្តែង Dybala ស្ទើរតែបាត់បង់អាវលេងនេះហើយ ក្នុងអំឡុងរដូវក្តៅមុន នៅពេលដែលរូបគេខិតជិតក្នុងការចាកចេញពីពហុកីឡដ្ឋាន Alilianz ដោយទាំងក្រុម Manchester United និង Tottenham សុទ្ធសឹងតែចាប់អារម្មណ៍លើគេ ។

ហើយយ៉ាងណាមិញលោក Marchisio ដែលជាអតីតជើងចាស់របស់ក្រុមជម្រើសជាតិអាហ្សង់ទីន បានបង្ហាញការចាប់អារម្មណ៍យ៉ាងខ្លាំង ចំពោះទម្រង់លេង Dybala នៅក្នុងក្រុម Juventus ដែលអាចបំពេញតួនាទីបានយ៉ាងល្អនៅក្នុងតំណែងអាវលេខ ១០ ។

Paulo Dybala

លើសពីនេះលោក Marchisio បានប្រាប់ DAZN ថា ៖ “ Paulo គឺស្ថិតក្នុងចំណោមកីឡាករកំពូលទាំង ៥ របស់ Juventus ដែលពាក់អាវលេខ​ ១០ ។ ខ្ញុំមានការចាប់អារម្មណ៍យ៉ាងខ្លាំងចំពោះការរីកចម្រើនរបស់ Rodrigo Bentancur ហើយខ្ញុំរីករាយជាមួយនឹងការវិលត្រឡប់របស់ Dybala ផងដែរ ។ គាត់កំពុងបង្ហាញថាគាត់ពិតជើងឯក ” ៕

ប្រភព: Goal 

អានអត្ថបទបន្ទាប់៖ ជើងចាស់ Nicol ព្រមានលោក Solskjaer ថាកីឡាករ Man Utd រូបនេះ អាចជាដើមហេតុ នាំឲ្យគាត់ត្រូវក្លឹបបណ្តេញចេញ

ខ្សែប្រយុទ្ធ Anthony Martial នឹងអាចធ្វើឲ្យគ្រូបង្វឹកលោក Ole Gunnar Solskjaer ត្រូវបានក្លឹប Manchester United បណ្តេញចេញ ។

Anthony Martial 

យ៉ាងណាមិញនេះបើតាមគំនិតរបស់អតីតខ្សែការពារក្រុមហង្សក្រហមលោក Steve Nicol ដែលបានគិតគូរពីភាពមិនស៊ីចង្វាក់គ្នា របស់ខ្សែប្រយុទ្ធសញ្ជាតិបារាំងរូបនេះ កំពុងតែដាក់សម្ពាធលើគ្រូបង្វឹកលោក Solskjaer ។

Steve Nicol

គួររំលឹកថាក្រុម United បានចុះហត្ថលេខាលើ Martial ក្នុងតម្លៃខ្លួនដែលអាចកើនឡើងដល់ ៥៨ លានផោន កាលពីឆ្នាំ ២០១៥ នឹងធ្វើឲ្យគេក្លាយជាកីឡាករវ័យក្មេងមានតម្លៃខ្លួនថ្លៃជាងគេ ក្នុងពិភពបាល់ទាត់នាពេលនោះផងដែរ ប៉ុន្តែខ្សែប្រយុទ្ធរូបនេះហាក់មិនបានបង្ហាញមានភាពលេចធ្លោណាមួយនោះទេ អំឡុងរដូវកាលរបស់ក្លឹប United ។

Anthony Martial

មិនតែប៉ុណ្ណោះលោក Nicol ព្រួយបារម្ភថាការបាត់បង់ជំនឿចិត្តលើ Martial របស់ក្រុម Man Utd អាចនឹងបង្កធំបញ្ហាដល់គ្រូបង្វឹកសញ្ជាតិន័រវេស ។

Anthony Martial

លើសពីនេះនៅពេលត្រូវបានគេសួរថា តើលោកគិតថា Martial នឹងទទួលជោគជ័យឬអត់ ជាមួយក្លឹប ? ខណ:លោក Nicol បានឆ្លើយតបថា ៖ ” ខ្ញុំនឹងនិយាយថាទេ ។ បុរសនេះធ្វើឱ្យខ្ញុំខកចិត្តចំពោះគេខ្លាំងណាស់ ” ៕

ប្រភព: Mirror 

 

Tags
Close

Adblock Detected

Please consider supporting us by disabling your ad blocker