ខ្សែប្រយុទ្ធ Pierre-Emerick Aubameyang របស់ Arsenal ត្រូវបានរាយការណ៍ថា ត្រូវបានក្លិបធំពីរនៅអាស៊ីកំពុងចាប់អារម្មណ៍ ចង់បានមកចូលក្រុម។ កីឡាករក្រុមជម្រើសជាតិកាបុងរូបនេះ ត្រូវបានដកស្លាកប្រធានក្រុម និងមិនត្រូវបានកោះហៅចូលរួមការប្រកួតតាំងពីថ្ងៃទី៦ ខែធ្នូដោយសារល្មើសពិន័យនៅក្នុងក្រុម។ យោងតាមប្រភពពីសារព័ត៌មាន CBS បានរាយការណ៍ថា ក្លិបអារ៉ាប៊ីសាអ៊ូឌីត Al Nasr បានដាក់សំណើខ្ចីជើង Aubameyang ដល់ដាច់រដូវកាលនេះ ជាមួយកាតព្វកិច្ចទិញផ្ដាច់នៅរដូវក្ដៅខាងមុខ។ ហើយ talkSPORT បានផ្ដល់ដំណឹងថាក្លិបការពារជើងឯពាន AFC Champions League, Al Hilal ក៏ចង់បាន Aubameyang ផងដែរ ប៉ុន្ដែខាងក្លិបកាំភ្លើងធំ មិនទាន់ច្បាស់ថា ខ្សែប្រយុទ្ធរូបនេះមានការពេញចិត្តនឹងចាកចេញឬយ៉ាងណាទេ៕ ប្រភព៖ talkSPORT ...