កាលពីពេលថ្មីៗនេះ វីរបុរសលោក Arsene Wenger បាន​បង្ហើបឲ្យដឹងថា ក្រុមយក្សបារាំង PSG នឹងមិនអាច​មាន​លទ្ធភាពគ្រប់គ្រាន់ក្នុងការចងជើងកីឡាករឆ្នើម Kylian Mbape បានឡើយ ដោយសារពេលវេលាគឺកាន់តែខើច ស្របពេលកីឡាករផ្ទាល់ក៏កំពុងមាន​ចិត្តងាករេស្រាប់។ ប្រាប់ទៅកាន់ Canal អតីតគ្រូបង្វឹក Arsenal និយាយ៖ ” PSG គឺហាក់ដូចជាមិនមានពេលវេលាគ្រប់គ្រាន់សម្រាប់ដោះស្រាយបញ្ហាជាមួយនឹងកីឡាករ Kylian Mbappe ឡើយ។ បើតាម​បទពិសោធន៍របស់ខ្ញុំ ពេលវេលាកាន់តែអូសបន្លាយ នោះការបញ្ចុះបញ្ចូលឲ្យមានការបន្តកុងត្រាថ្មី គឺកាន់តែពិបាក”។ “ខ្ញុំបានរង់ចាំមើលស្ថានការណ៍ Mbappe និង PSG អស់រយៈពេល ១​ ឆ្នាំកន្លះមកហើយ តែមិនមាន​អ្វីជាដុំកំភួនសោះ។ គេគឺជាកីឡាករសំខាន់បំផុតមួយរូបក្នុងក្រុម និង​ទម្រង់លេងរបស់​ PSG។ តែមើលមកទល់ពេលនេះគឺវាហាក់ដូចជាកាន់តែខើចពេលវេលាហើយ ...

ក្លិប Paris Saint-Germain ត្រូវបានគេរាយការណ៍ នឹងរៀបចំផ្តល់ឲ្យខ្សែប្រយុទ្ធ Kylian Mbappe ក្លាយជាកីឡាករ ដែលអាចរកចំណូលបានច្រើនជាងគេរបស់ក្លឹប ដោយនាំមុខទាំង កីឡាករ Lionel Messi និង Neymar ដើម្បីទាក់ចិត្តរូបគេឲ្យស្នាក់នៅក្លិបបន្តទៀត ។ ជាក់ស្តែងកីឡាករវ័យ ២៣ ឆ្នាំរូបនេះ បានក្លាយជាកីឡាករដែលមានតម្លៃខ្លួនថ្លៃបំផុតមួយ បន្ទាប់ពីផ្ទេរមកកក្លិប PSG ពីក្រុម Monaco ក្នុងឆ្នាំ ២០១៨ ប៉ុន្តែទោះជាយ៉ាងណា អនាគតរបស់គេបច្ចុប្បន្ន ហាក់នៅមិនទាន់មានភាពច្បាស់លាស់នៅឡើយនោះទេ ដោយសារតែកុងត្រាកាន់តែខិតជិតផុតកំណត់ទៅហើយ ។ ដោយឡែក ក្លិប Real Madrid ត្រូវ​បាន​គេយល់ថា ជាគោលដៅដ៏ធំមួយសម្រាប់ Mbappe ដោយពួកគេនឹងព្យាយាមចុះហត្ថលេខាលើខ្សែប្រយុទ្ធសញ្ជាតិបារាំង ...