កាលពីថ្ងៃទី៥ ខែសីហា ឆ្នាំ២០២១ ក្លិប Barcelona បានប្រកាសថា គម្រោងពិភាក្សាកិច្ចសន្យាថ្មីសម្រាប់ Lionel Messi ត្រូវបានលុបចោល ហើយខ្សែប្រយុទ្ធអាហ្សង់ទីន អាចចាកចេញពីទឹកដី Camp Nou ដោយមិនមានតម្លៃផ្ទេរ ក្រោយរួមរស់ជាមួយគ្នា អស់ពេល១៧ឆ្នាំ។ ក្លិបកាតាឡូញ៉ា មិនអាចរក្សាតារាឆ្នើមបំផុតក្នុងក្រុមឱ្យនៅបន្ដជាមួយពួកគេបាន ដោយសារបញ្ហាហិរញ្ញវត្ថុ រួមជាមួយច្បាប់កំណត់ដោយលីគកំពូលអេស្ប៉ាញ។ ៥ថ្ងៃបន្ទាប់ Messi ត្រូវបានប្រកាសពីការផ្ទេរទៅក្លិបយក្សបារាំង Paris Saint-Germain។ ដោយឡែកការចាកចេញរបស់ Cristiano Ronaldo ពីក្លិប Juventus ជារឿងមួយខុសប្លែកពីគ្នា។ មិនសូវខុសពីអ្វីដែលបានកើតឡើងនៅ Real Madrid, ខ្សែប្រយុទ្ធព័រទុយហ្កាល់ មានអារម្មណ៍ឆ្អែតឆ្អន់នៅអ៊ីតាលី ហើយចង់បន្ដការប្រកួតប្រជែងផ្សេងទៀត ទើបសម្រេចចិត្តផ្លាស់មកចូលរួមក្លិបចាស់ Manchester ...